वैशाख ३ । बुटवलको लुम्बिनी वाणिज्य क्याम्पसमा सेवा निवृत्त हुनुभएका कर्मचारीहरुलाई सम्मान कार्यक्रम सम्पन्न भएको छ।
क्याम्पसको आयोजनामा सेवा निवृत्त हुनुभएका कर्मचारीहरुलाई सम्मान तथा शुभकामना आदानप्रदान कार्यक्रम आयोजना गरिएको हो।क्याम्पस प्रमुख प्रा. डा. तारा प्रसाद उपाध्यायको अध्यक्षता रहेको कार्यक्रमको संचालन बिबिएस तथा एमविएस कार्यक्रम इन्चार्ज उपप्राध्यापक डिल्ली राज गौतमले गर्नुभएको थियो ।कार्यक्रममा निवृत्त हुनुभएका कर्मचारीद्वय श्री केश बहादुर थापा र श्री भीम बहादुर क्षेत्रीलाई सम्मान गरिएको थियो भने कार्यक्रममा सम्मानित हुनुभएका कर्मचारीद्वय थापा र क्षेत्रीले आआफ्नो अनुभव पनि राख्नुभएको थियो । कार्यक्रममा बोल्दै क्याम्पस प्रमुख प्रा. डा. उपाध्यायले निवृत्त हुनुभएका कर्मचारीहरुलाई आफ्नो जीवनको लामो समय यस क्याम्पसमा व्यतीत गर्नुभएको र त्यो योगदानको जति नै प्रसंशा वा सम्मान गरेपनि कम नै हुने बताउनुभयो ।
फाल्गुन ६ । बुटवल ११ देविनगर स्थित लुम्बिनी वाणिज्य क्याम्पसको ४३ औ वार्षिकोत्सव समारोह विभिन्न कार्यक्रम आयोजना गरी शनिबार सम्पन्न भएको छ ।
क्याम्पस सञ्चालक समितिका अध्यक्ष मोतीलाल पाण्डेको अध्यक्षता रहेको उक्त समारोहमा लुम्बिनी बौद्ध विश्वविद्यालयका उपकूलपति प्रा.डा. सुवर्णलाल बज्राचार्यको प्रमुख आतिथ्यता रहेको थियो ।
मूल समारोहमा बोल्दै प्रमुख अतिथि बज्राचार्यले क्याम्पसले शिक्षा क्षेत्रमा पु¥याएको योगदानको चर्चा गर्दै दोश्रोपटक पनि लुम्बिनी वाणिज्य क्याम्पस नेपालकै सर्वोत्कृष्ट सामुदायिक क्याम्पस घोषणा हुनु यस क्षेत्रकै गौरवको विषय रहेको बताउनुभयो । उहाँले लुम्बिनी बौद्ध विश्वविद्यालय र लुम्बिनी वाणिज्य क्याम्पसबिच विभिन्न गतिविधिमा थप सहकार्य रहने बताउनुभयो ।
क्याम्पस सञ्चालक समितिका अध्यक्ष मोतिलाल पाण्डेको अध्यक्षता रहेको कार्यक्रममा विशिष्ट अतिथि जिल्ला समन्वय समिति रुपन्देहीका प्रमुख उमाकान्त चँपाई, बुटवल उपमहानगरपालिका प्रमुख खेलराज पाण्डे, अतिथिहरु क्याम्पस सञ्चालक समिति पुर्व अध्यक्ष अर्जुनमान सैंजु, बुटवल उद्योग वाणिज्य संघका अध्यक्ष हरि प्रसाद अर्याल, नेकपा एमाले नगर अध्यक्ष किसन ज्ञवाली, नेकपा माओबादी केन्द्रका जिल्ला अध्यक्ष निर्मल जिसी, राष्ट्रिय स्वतन्त्र पार्टिका नगर संयोजक राजन पाण्डे, राष्ट्रिय जनमोर्चा पार्टीका नगर अध्यक्ष पदम श्रेष्ठ, कर्मचारी संघ लुम्बिनी वाणिज्य क्याम्पस अध्यक्ष पुष्कर भुसाल, स्ववियु अध्यक्ष विजय कार्की, विद्यार्थी नेताहरु समिर आचार्य, रेशम के.सी., माधव बस्याल, पुष्कर पोख्रेल लगायतका वक्ताहरुले शुभकामना मन्तव्य व्यक्त गर्नुभएको थियो ।
क्याम्पस प्रमुख प्रा.डा. तारा प्रसाद उपाध्यायले क्याम्पसको वार्षिक प्रतिवेदन प्रस्तुत गर्नुभएको समारोहमा विभिन्न क्षेत्रमा रोजगार÷स्वरोजगार भएका विद्यार्थीहरुलाई सम्मान गरिएको थियो । साथै विभिन्न तहमा उत्कृष्ट हुने विद्यार्थीहरुलाई छात्रवृत्ती र साताव्यापी रुपमा सञ्चालन भएका अतिरिक्त क्रियाकलापहरुका विजयीहरुलाई प्रमाण पत्र, मेडल तथा शिल्डले पुरस्कृत गरिएको थियोे । सो अवसरमा विद्यार्थीहरुले विविध सांस्कृतिक प्रस्तुतीहरु समेत प्रस्तुत गरेका थिए । मूल समारोह संयोजक सहप्राध्यापक विष्णु जोशीको स्वागत मन्तव्य रहेको कार्यक्रमको सञ्चालन उपप्राध्यापक लक्ष्मण प्रसाद भण्डारीले गर्नुभएको थियो ।
बुटवल, माघ २८ बुटवल देवीनगरस्थित लुम्बिनी वाणिज्य क्याम्पसको ४३ औं वार्षिकोत्सव समारोहको अवसरमा आइतबारबाट खेल सप्ताह सुरु भएको छ । क्याम्पस प्रमुख प्रा.डा. ताराप्रसाद उपाध्यायले विविएस चौथो वर्ष र विविएम तेश्रोसत्रविच भएको छात्र भलिबल प्रतियोगिताको उद्घाटन गर्नुहुदै खेल सप्ताहको शुभारम्भ गर्नुभएको हो । शुभारम्भ कार्यक्रममा प्राध्यापक, कर्मचारी तथा विद्यार्थीहरुको उत्साहजनक सहभागिता रहेको थियो भने खेल सप्ताह फाल्गुण ४ गतेसम्म सञ्चालन हुने छ । क्याम्पसले साताव्यापी कार्यक्रमको आयोजना गर्दै फाल्गुन ६ गते एक समारोहका बिच ४३ औं वार्षिकोत्सव मनाउदैछ ।
खेल सप्ताह अन्तर्गत भलिबल प्रतियोगिता, चेस प्रतियोगिता, बास्केटबल प्रतियोगिता, क्रिकेट प्रतियोगिता, एक मिनेट कार्यक्रम, वक्तृत्वकला प्रतियोगिता, रसि तान्ने प्रतियोगिता, दौड प्रतियोगिता, टेवल टेनिस, लगायतका प्रतियोगिताहरु सञ्चालन गरिने ४३ औं वार्षिकोत्सव समारोह मुल संयोजक सहप्राध्यापक विष्णु जोशीले जानकारी दिनुभयो । सोही अवसरमा रक्तदान कार्यक्रम, सांस्कृतिक कार्यक्रमका साथै क्याम्पसमा अध्ययन गरी २०७९ फाल्गुनदेखि २०८० माघ महिनासम्म सरकारी र गैरसरकारी तथा अन्य संघ संस्थाहरुमा रोजगारीको शिलशिलामा आवद्ध भएका वा आफ्नै उद्योग तथा व्यवसाय सञ्चालन गरी स्वउद्यमी भएकाहरुमध्ये उत्कृष्ट विद्यार्थीलाई सम्मान गर्ने कार्यक्रम पनि रहेको क्याम्पस प्रमुख उपाध्यायले जानकारी दिनुभयो ।
आइतबार भएको भलिबल प्रतियोगिताको उद्घाटन खेलमा विविएस चौथो वर्ष विजयी भएको छ भने दोश्रो खेलमा विविएस प्रथम वर्ष समुह ए र तेश्रो खेलमा विएमएस विजयी भएको छ ।
माघ २० बुटवल । शिक्षक अभिभावक संघ, लुम्बिनी वाणिज्य क्याम्पसको आयोजनामा विविएम अप्लाइड कार्यक्रममा अध्ययनरत विद्यार्थीका अभिभावकहरुका बिच मनोपरामर्श तथा अन्तरक्रिया कार्यक्रम शनिबार सम्पन्न भएको छ ।क्याम्पसको तालिम कक्षमा सम्पन्न भएको उक्त कार्यक्रमको पहिलो सत्रमा विशिष्ट अतिथि श्रोत व्यक्ति एवं देवदह मेडिकल कलेजका एमडी तथा न्युरो विशेषज्ञ सह प्रा. डा. बिक्रम काफ्लेले युवा अवस्थामा देखिन सक्ने मानसिक समस्या, यसका पहिचान र समाधानका उपायहरूका बारेमा बोल्नुभएको थियो।
दोस्रो सत्रमा क्याम्पसले संचालन गरेका र गर्ने विभिन्न गतिविधिहरुका बारेमा विविएम कार्यक्रम इन्चार्ज उपप्राध्यापक मधुकर शर्माले अभिभावकहरुबिच जानकारी गराउनुभएको थियो । कार्यक्रमका प्रमुख अतिथि एवं क्याम्पस संचालक समितिका अध्यक्ष मोतिलाल पाण्डेले अभिभावकका सुझाव सल्लाह क्याम्पसले निरन्तर खोजिरहने भएकाले यसप्रकारको कार्यक्रमको आयोजना निरन्तर गर्दै आएको बताउदै अभिभावकका सुझावहरु आत्मसात गर्दै अगाडि बढ्ने बताउनुभयो ।
कार्यक्रममा उठेका जिज्ञासाहरुका बारेमा विशिष्ट अतिथि एवं निमित्त क्याम्पस प्रमुख उपप्राध्यापक महेश प्रसाद चौधरी कुर्मीले प्रष्ट पार्नुभएको थियो।कार्यक्रमको संचालन सचिव उपप्राध्यापक पिताम्बर सापकोटाले गर्नुभएको थियो भने अध्यक्षता अध्यक्ष कविता कुवरको रहेको थियो।
बुटवल १९ । स्वतन्त्र बिद्यार्थी युनियन (स्ववियु) लुम्बिनी वाणिज्य क्याम्पसले प्रथम वर्ष तथा प्रथम सेमेस्टरमा अध्ययनरत नवआगन्तुक विद्यार्थीहरुलाई स्वागत कार्यक्रम शुक्रबार सम्पन्न गरेको छ ।
स्ववियु अध्यक्ष बिजय कार्कीको अध्यक्षता, लुम्बिनी वाणिज्य क्याम्पस संचालक समितिका अध्यक्ष मोतिलाल पाण्डेको प्रमुख आतिथ्यता तथा त्रिभुवन विश्वविद्यालय विद्यार्थी कल्याणकारी तथा खेलकुद निर्देशनालयका निर्देशक प्राध्यापक पशुपति अधिकारीको बिशिष्ट आतिथ्यता, सचिव निराजन खरेलको संचालनमा सम्पन्न भएको थियो ।
कार्यक्रममा बोल्दै प्रमुख अतिथि एवं क्याम्पस संचालक समितिका अध्यक्ष पाण्डेले नवआगन्तुक विद्यार्थीहरु र संचालक समितिबिच एक आपसमा चिनजान गर्ने अवसर प्रदान गरेकोमा स्वतन्त्र बिद्यार्थी युनियनलाई धन्यवाद दिनुभयो । स्वतन्त्र बिद्यार्थी युनियनले बिद्यार्थीहरुका हरेक समस्याहरुको समाधान गरि गुणस्तरीय शिक्षाको निम्त्ती पहल गर्न आग्रह समेत गर्नुभयो ।
सोहि अबसरमा बोल्दै त्रिभुवन विश्वविद्यालय विद्यार्थी कल्याणकारी तथा खेलकुद निर्देशनालयका निर्देशक प्राध्यापक पशुपति अधिकारीले स्वतन्त्र बिद्यार्थी युनियनले विद्यार्थीको अध्ययन सँगै क्याम्पसको विकासको निम्ती महत्वपूर्ण भुमिका खेल्नुपर्ने बताउनुभयो । युनियनले विद्यार्थीका हितलाई मध्यनजर गर्दै आफ्नो मर्यादालाई कायम राखि क्याम्पसको हितका निम्ती लाग्न पनि आग्रह गर्नुभयो ।
कार्यक्रममा बोल्दै अध्यक्ष कार्कीले सम्पुर्ण विद्यार्थीहरुको अभिभावकत्व स्ववियुले गर्ने भन्दै बिद्यार्थीको हक अधिकारको संरक्षण गर्दै क्याम्पसको प्रगति र उन्नतिमा सधै सहकार्य गरेर अगाडी बढ्ने बताउनुभयो ।
कार्यक्रममा सहायक क्याम्पस प्रमुख उपप्राध्यापक महेशप्रसाद चौधरी कुर्मी, विविएम कार्यक्रम इन्चार्ज उपप्राध्यापक मधुकर शर्मा लगायतले बोल्नुभएको थियो।
माघ १८ । त्रिभुवन विश्वविद्यालयबाट सम्बन्धन प्राप्त बुटवल ११ देवीनगर स्थित लुम्बिनी वाणिज्य क्याम्पसमा "विश्वविद्यालय प्राज्ञिक स्वायत्तता र भावी कार्यदिशा" विषयक अन्तरक्रियात्मक कार्यक्रम बिहीवार सम्पन्न भएको छ।विश्वविद्यालयमा भएका प्राज्ञिक स्वायत्तताका व्यवस्थाहरु, नेपालमा संचालित स्वायत्त कार्यक्रमहरु र यसको भावी कार्यदिशाबारे छलफल भएको उक्त कार्यक्रमको आयोजना लुम्बिनी वाणिज्य क्याम्पस र स्वतन्त्र विद्यार्थी युनियन, लुम्बिनी वाणिज्य क्याम्पसले संयुक्त रुपमा गरेको हो।
कार्यक्रममा त्रिभुवन विश्वविद्यालय, व्यवस्थापन संकायका डीन प्रा.डा. डिल्लीराज शर्मा, त्रिभुवन विश्वविद्यालय, योजना निर्देशनालयका निर्देशक प्रा.डा. ध्रुव कुमार गौतम र लुम्बिनी वाणिज्य क्याम्पसका क्याम्पस प्रमुख प्रा.डा. ताराप्रसाद उपाध्याय प्यानलिस्टको रुपमा सहभागी हुनुभएको थियो भने पत्रकार दिनेश पाण्डेले मोडेरेटरको भुमिका निर्वाह गर्नुभएको थियो। स्वतन्त्र विद्यार्थी युनियनको सभाहलमा संचालन भएको कार्यक्रमको संचालन स्ववियु सचिव निराजन खरेलले गर्नुभएको थियो भने कार्यक्रममा विद्यार्थी, अभिभावक, प्राध्यापक, कर्मचारी, संचालक समिति, भुपु विद्यार्थी, स्ववियु सभापतिहरु, विद्यार्थी नेताहरु, राजनैतिक व्यक्तित्व, शैक्षिक व्यक्तित्वहरु, उद्योगी, व्यवसायी, संचारकर्मी लगायतको सहभागीता रहेको थियो।
लुम्बिनी टेलिभिजन तथा विभिन्न माध्यमबाट प्रत्यक्ष प्रसारण भएको उक्त कार्यक्रम करिब २ घण्टा ३० मिनेटसम्म चलेको थियो।
वाणिज्य क्याम्पसमा सहायक क्याम्पस प्रमुखको पदस्थापना
बुटवल , ११ माघ ।
लुम्बिनी वाणिज्य क्याम्पसले सहायक क्याम्पस प्रमुखमा उपप्राध्यापक महेश प्रसाद चौधरी कुर्मीलाई नियुक्त गर्दै बिहीवार पदस्थापन गरेको छ ।क्याम्पस प्रमुख प्रा. डा. ताराप्रसाद उपाध्यायले नियुक्ति पत्र, टिओआर प्रदान गर्दै र निवर्तमान सहायक क्याम्पस प्रमुख सहप्राध्यापक विष्णु जोशीले खादा, पुष्प गुच्छा सहित सहायक क्याम्पस प्रमुखको कार्यकक्षमा पदस्थापन गराउनुभएको हो।
पदस्थापन कार्यक्रममा शुभकामना व्यक्त गर्नुहुदै क्याम्पस प्रमुख प्रा. डा. उपाध्यायले नवनियुक्त सहायक क्याम्पस प्रमुखले प्रशासनिक र प्राज्ञिक उन्नयनमा थप रचनात्मक भुमिका खेल्नुहुने विश्वास व्यक्त गर्नुभयो साथै उहाँले निवर्तमान सहायक क्याम्पस प्रमुख सहप्राध्यापक विष्णु जोशीलाई ५ वर्षे सफल कार्यकालका लागि धन्यवाद ज्ञापन समेत गर्नुभयो।
पदभार ग्रहण गर्दै नवनियुक्त सहायक क्याम्पस प्रमुख चौधरीले आफ्नो लागि क्याम्पसको चौतर्फी विकास एक मात्र सपना रहेको बताउदै क्याम्पसको शैक्षिक तथा प्रशासनिक गतिविधि थप उच्च बनाउनका लागि आफ्नो सक्रियता र भूमिकालाई फरक किसिमले प्रभावकारी बनाउँदै लैजाने प्रतिवद्धता व्यक्त गर्नुभयो।
कार्यक्रममा बोल्दै निवर्तमान सहायक क्याम्पस प्रमुख जोशीले आफ्नो कार्यकाल सबैको साथ सहयोगले गर्दा नै सहजरूपमा सम्पन्न भएको बताउनुभयो।
क्याम्पस सञ्चालक समितिको यही पौष २९ गते बसेको बैठकको निर्णय अनुसार चौधरीलाई सहायक क्याम्पस प्रमुखमा नियुक्त गरिएको हो । क्याम्पस प्रमुख प्रा. डा. उपाध्यायको अध्यक्षता, स्याट संयोजक पुनाराम घिमिरेको संचालन रहेको कार्यक्रममा निवर्तमान क्याम्पस प्रमुख जोशीलाई कदरपत्रले सम्मान समेत गरिएको थियो।
माघ ५ बुटवल । लुम्बिनी वाणिज्य क्याम्पस कर्मचारी संघको तेह्रौं साधारणसभा तथा नवौं अधिवेशन सम्पन्न भएको छ ।
संघकी अध्यक्ष राधा पन्थको अध्यक्षता एवं सचिव दीपक भट्टराईको संचालनमा भएको तेह्रौं साधारणसभा तथा नवौं अधिवेशनले पुष्कर भुसाल अध्यक्ष रहेको नयाँ कार्यसमिति सर्वसम्मत चयन गरेको हो । जसको उपाध्यक्षमा दिपक भट्टराई, सचिवमा ज्योति श्रेष्ठ, कोषाध्यक्षमा दुर्गा प्रसाद अर्याल, सदस्यहरुमा मोहन पौडेल, उजर बहादुर घिमिरे, थमन बहादुर थापा, आशा थारु रहनुभएको छ ।
साधारण सभा तथा अधिवेशनको पहिलो सत्रमा प्रमुख अतिथि संघका संरक्षक एवं लुम्बिनी वाणिज्य क्याम्पसका क्याम्पस प्रमुख प्रा.डा. ताराप्रसाद उपाध्याय, विशिष्ट अतिथि एवं सहायक क्याम्पस प्रमुख सहप्राध्यापक विष्णु जोशी, अतिथि एवं प्राध्यापक संघ इकाई समिति सभापति उपप्राध्यापक धन बहादुर पुन, निर्वाचन संयोजक सहप्राध्यापक कुल बहादुर कार्की, संस्थापक अध्यक्ष रतन गिरि, स्याट कोर्डिनेटर पुनाराम घिमिरे, संघका उपाध्यक्ष पुष्कर भुसाल लगायतले बोल्नुभएको थियो ।
पहिलो सत्रमा सम्पूर्ण अतिथिहरु तथा संघका पुर्वअध्यक्षहरु रतन गिरी, दल बहादुर श्रेष्ठ, सहायक प्रशासक कपिल गौतमलाई मायाको चिनो समेत प्रदान गरिएको थियो । साधारण सभा तथा अधिवेशनले संघकी अध्यक्ष राधा पन्थले प्रस्तुत गर्नुभएको अध्यक्षको वार्षिक प्रतिवदेन, कोषाध्यक्ष ज्योति श्रेष्ठले प्रस्तुत गर्नुभएको आर्थिक प्रतिवेदनसमेत अनुमोदन गरेको छ ।
असोज ५ मोहन पौडेल । लुम्बिनी वाणिज्य क्याम्पसमा जिल्ला स्तरीय अन्तर कलेज हाजिरीजवाफ प्रतियोगिता सम्पन्न भएको छ ।
अतिरिक्त क्रियाकलाप विभाग, लुम्बिनी वाणिज्य क्याम्पसको आयोजना तथा विविएम कार्यक्रममा अध्ययनरत विद्यार्थीहरुको अग्रसरतामा भएको जिल्ला स्तरीय अन्तर कलेज हाजिरीजवाफ प्रतियोगितामा रुपन्देही जिल्लाभरका बीस वटा कलेजको सहभागीता रहेको थियो ।
जिल्ला स्तरीय अन्तर कलेज हाजिरीजवाफ प्रतियोगितामा सहिद नारायण पोख्रेल रामापुर क्याम्पस प्रथम भएको छ भने लुम्बिनी वाणिज्य क्याम्पस द्वितीय तथा सिटि क्याम्पस, बुटवल तृतीय हुन सफल भएको छ ।
ग्लोबल आइएमई बैंक, एनआइसी एसिया बैंक, गरिमा विकास बैंकको प्रायोजन रहेको प्रतियोगितामा प्रथम, द्वितीय र तृतीय हुने कलेजहरुलाई क्रमशः तीस हजार, बीस हजार र दस हजार नगद तथा प्रमाणपत्र, शिल, मेडल प्रदान गरिएको थियो ।
अतिरिक्त क्रियाकलाप विभाग प्रमुख उपप्राध्यापक नवराज खरेलको अध्यक्षता तथा उपप्राध्यापकद्वय लक्ष्मण प्रसाद भण्डारी र तुल्सी प्रसाद भुसालको संचालन रहेको कार्यक्रममा प्रमुख अतिथि एवं क्याम्पस संचालक समितिका अध्यक्ष मोतिलाल पाण्डे, विशिष्ट अतिथि एवं सहायक क्याम्पस प्रमुख सहप्राध्यापक विष्णु जोशी, बिबिएम कार्यक्रम इन्चार्ज मधुकर शर्मा, सहिद नारायण पोख्रेल रामापुर क्याम्पसका उपप्राध्यापक विष्णु प्रसाद अर्याल, स्ववियु अध्यक्ष विजय कार्की, विद्यार्थी याशिर मसुद लगायतले बोल्नुभएको थियो ।
असोज २ काठमाडौँ। रुपन्देही जिल्लाको बुटवलमा रहेको लुम्बिनी वाणिज्य क्याम्पस देशभरका सामुदायिक क्याम्पसहरु मध्ये पुनः उत्कृष्ट क्याम्पस घोषित भएको छ ।
सामुदायिक क्याम्पसहरु मध्ये २०७५ सालमा नेपालकै उत्कृष्ट सामुदायिक क्याम्पसको रुपमा नेपाल सरकार शिक्षा, विज्ञान तथा प्रविधि मन्त्रालयबाट सम्मानित लुम्बिनी वाणिज्य क्याम्पस राष्ट्रिय शिक्षा दिवस–२०८० को अवसरमा पुनः उत्कृष्ट सामुदायिक क्याम्पसको रूपमा सम्मानित भएको हो । नेपाल सरकारको नीतिलाई आत्मसात गर्दै उच्च शिक्षाको क्षेत्रमा महत्वपूर्ण भुमिका निर्वाह गरेको भन्दै राष्ट्रिय शिक्षा दिवस २०८० को अवसरमा प्रमाणपत्र तथा दुई लाख पचास हजार रुपैयासहित प्रज्ञा भवन काठमाडौंमा आयोजित एक समारोहका बिच माननीय कार्यवाहक प्रधानमन्त्री तथा रक्षा मन्त्री पूर्णबहादुर खड्काले प्रदान गर्नुभएको हो ।
सम्मान ग्रहण गरेपछि प्रतिक्रिया दिदै क्याम्पस प्रमुख प्रा.डा. तारा प्रसाद उपाध्यायले राष्ट्रकै अग्रणी शैक्षिक संस्थाको रुपमा रहेकोे क्याम्पसले यस प्रकारको पुरस्कार पटकपटक प्राप्त गर्नुमा विद्यार्थी, अभिभावक, प्राध्यापक, कर्मचारी र सरोकारवाला सबैको योगदान रहेको बताउनुभयो ।
पुरस्कार ग्रहणका लागि क्याम्पस सञ्चालक समितिका पदाधिकारी तथा सदस्यहरु, क्याम्पस प्रमुख, प्राध्यापक, कर्मचारी र स्ववियुको प्रज्ञा भवनमा उल्लेखनिय उपस्थिति रहेको थियो । व्यवस्थापन विषयमा विशिष्टिकृत लुम्बिनी वाणिज्य क्याम्पस विश्वविद्यालय अनुदान आयोगबाट क्यू.ए.ए.को तेस्रो चक्रमा प्रवेश गरेको छ भने प्रदेश सरकार लुम्बिनी प्रदेशको तर्फबाट २०७६ सालमा प्रदेश प्रज्ञा पदक द्घितीयबाट समेत विभुषित भइसकेको छ ।
भाद्र ३० । बुटवल देविनगर स्थित लुम्बिनी वाणिज्य क्याम्पसमा शिक्षक अभिभावक संघको भेला तथा चौथो अधिवेशन सम्पन्न भएको छ। अधिबेशनले कविता कुवर अध्यक्ष रहेको नौ सदस्यीय कार्यसमिति निर्विरोध चयन गरेको छ। जसको उपाध्यक्षमा अभिभावक सुभाषचन्द्र ढकाल, सचिबमा उपप्राध्यापक पिताम्बर सापकोटा, कोषाध्यक्षमा उपप्राध्यापक तुलसी भुसाल, सदस्यमा अभिभावक नारायण प्रसाद सुवेदी, मिरा श्रेष्ठ, उपप्राध्यापक सुरेश सापकोटा, सन्जु गैरे रहनुभएको छ।
अध्यक्ष लोकराज शर्माको अध्यक्षता एवं सचिव उपप्राध्यापक डिल्लिराज गौतमको संचालन रहेको पहिलो सत्रमा प्रमुख अतिथि एवं क्याम्पस संचालक समितिका अध्यक्ष मोतिलाल पाण्डे, विशिष्ट अतिथि एवं क्याम्पस प्रमुख प्रा.डा. ताराप्रसाद उपाध्याय, अतिथिहरु सहायक क्याम्पस प्रमुख स.प्रा. विष्णु जोशी, पब्लिक क्याम्पस प्राध्यापक संघ नेपालका निवर्तमान केन्द्रीय अध्यक्ष स.प्रा. गोपाल पाण्डे, पब्लिक क्याम्पस प्राध्यापक संघ इकाई कमिटिका अध्यक्ष उप प्रा. धन वहादुर पुन, कर्मचारी संघ इकाई समितिका उपाध्यक्ष पुष्कर भुसाल, स्ववियु अध्यक्ष विजय कार्की लगायतले शुभकामना मन्तव्य व्यक्त गर्नुभएको थियो।
भेलालाई सम्बोधन गर्दै प्रमुख अतिथि पाण्डेले राष्ट्रकै अग्रणी शैक्षिक संस्था यस लुम्बिनी वाणिज्य क्याम्पसको एक अङ्गको रुपमा रहेको शिक्षक अभिभावक संघले क्याम्पसको बृहत्तर विकासमा अतुलनीय योगदान पुर्याइरहेको बताउनुभयो । यस्तै विशिष्ट अतिथि एवं क्याम्पस प्रमुख उपाध्यायले अधिवेशनको सफलताको कामना गर्दै नयाँ कार्यसमितिबाट क्याम्पसले क्याम्पसको शैक्षिक गुणस्तर अभिवृद्धिका लागि थप रचनात्मक सुझाब र समन्वयकारी भुमिकाको अपेक्षा गरेको बताउनुभयो। भेलाले अध्यक्षको प्रतिवेदन तथा कोषाध्यक्षको प्रतिवेदन समेत सर्वसम्मत पारित गरेको थियो।
भाद्र १५ बुटवल । बुटवल देवीनगर स्थित लुम्बिनी वाणिज्य क्याम्पसमा नियमित रुपमा पुस्तकालयमा रहि अध्ययन गर्ने प्राध्यापक तथा विद्यार्थीहरुलाई सम्मान गरिएको छ ।
नेपालमा पुस्तकालय दिवसको रुपमा मनाउदै आईएको भाद्र १५ लाइ यसपटक १६ औं पुस्तकालय दिवसको रुपमा देशभर मनाइएको हो । हरेक बर्ष बिशेष नारा बनाएर मनाइने यो दिवसको यस बर्षको मुल आदर्श वाक्य “पुस्तौ पुस्ताका लागि पुस्तकालय” रहेको छ ।
लुम्बिनी वाणिज्य क्याम्पसमा पनि पुस्तकालय व्यवस्थापन तथा विकास सेलले १६ औं पुस्तकालय दिवसको अवसरमा सम्मान कार्यक्रम आयोजना गरेको हो । उक्त अवसरमा क्याम्पसमा कार्यरत उपप्राध्यापकहरु माधव कुमार पौडेल, रोम नाथ शर्मा, लक्ष्मणप्रसाद भण्डारी, सुरेश सापकोटा, नवराज खरेल, सन्ध्या काफ्ले तथा विभिन्न कार्यक्रममा अध्ययनरत विद्यार्थीहरु खगराज अधिकारी, समिक्षा तिमिल्सिना, गोविन्द न्यौपाने, सृष्टि श्रेष्ठ, बिन्दु भट्टराई, ज्योति भण्डारी, बिन्दु कंडेल, नितेश कुवँर, अस्मिता अर्याल, प्रशन्न जङ्ग कार्की लगायतलाई सम्मान गरिएको छ ।
सम्मान कार्यक्रममा बोल्दै प्रमुख अतिथि एवं क्याम्पस प्रमुख प्रा.डा. ताराप्रसाद उपाध्यायले क्याम्पसले पुस्तकालयलाई पाठ्यक्रमसङ्ग जोड्दै आएको र यसले क्याम्पसको शैक्षिक गुणस्तरमा समेत वृद्धि गरेको बताउनुभयो । उहाँले यस क्याम्पसमा रहेको लुम्बिनी प्रदेशकै नमुना डिजिटल लाइब्रेरीको अधिकतम प्रयोग गरी सम्मानित हुने सम्पूर्णलाई बधाई ज्ञापन गर्दै यस प्रकारका कार्यक्रमले प्राध्यापक तथा विद्यार्थीहरुलाई थप अध्ययनमुखि तथा अनुसन्धानमुखि बन्न प्रेरित गर्ने विश्वास व्यक्त गर्नुभयो ।
कार्यक्रममा सहायक क्याम्पस प्रमुख सह प्राध्यापक विष्णु जोशी, पुस्तकालयमा कार्यरत कर्मचारी ज्योति श्रेष्ठ, सम्मानित प्राध्यापकहरुको तर्फबाट लक्ष्मण प्रसाद भण्डारी, सन्ध्या काफ्ले, सम्मानित विद्यार्थीहरुको तर्फबाट नितेश कुवँर, बिन्दु कंडेल लगायतले बोल्नुभएको थियो । कार्यक्रमको सञ्चालन कर्मचारी शिवराज अधिकारीले गर्नुभएको थियो भने कार्यक्रमको अध्यक्षता पुस्तकालय व्यवस्थापन तथा विकास सेलका अध्यक्ष सह प्राध्यापक माधव प्रसाद नेपालले गर्नुभएको मोहन पौडेलले जानकारी दिनुभयो ।
भाद्र १२, बुुटवल । त्रिभुवन विश्वविद्यालयबाट सम्बन्धन प्राप्त नेपालकै सर्वोत्कृष्ट सामुदायिक क्याम्पस लुम्बिनी वाणिज्य क्याम्पसले सामाजिक उत्तरदायित्व अन्तर्गत बुटवल उपमहानगरपालिका वडा नं. ११ का टोल विकास संस्थाका अध्यक्षहरुका लागि नेतृत्व विकास सम्बन्धी दुई दिने तालिम मंगलबार सुरु गरेको छ ।
आन्तरिक गुणस्तर सुनिश्चितता सेल लुम्बिनी वाणिज्य क्याम्पसको आयोजनामा सुरु भएको दुई दिने तालिमको उद्घाटन सत्रमा बोल्दै प्रमुख अतिथि एवं बुटवल उपमहानगरपालिका वडा नं. ११ का अध्यक्ष रामचन्द्र क्षेत्रीले लुम्बिनी वाणिज्य क्याम्पसले क्याम्पस रहेको वडाका टोल विकास संस्थाका अध्यक्षहरुलाई तालिम प्रदान गरेकोमा खुशि व्यक्त गर्नुभयो साथै उहाँले क्याम्पसले विद्यार्थी मात्र नभई सिगंो समाजलाई नै आवश्यक सिप तथा तालिमहरु दिदै आएकोमा धन्यवाद ज्ञापन गर्नुभयो ।
उद्घाटन सत्रका अध्यक्ष एवं क्याम्पस प्रमुख प्रा.डा. तारा प्रसाद उपाध्यायले क्याम्पसले राष्ट्रमै उत्कृष्टताको ताज पहिरिनुमा प्राध्यापक, कर्मचारी, विद्यार्थी, अभिभावकका साथै समाजको पनि योगदान रहेकोले यस प्रकारका कार्यक्रम मार्फत क्याम्पस निरन्तर समाजसंग जोडिदै आएको बताउनुभयो साथै तालिमले टोल विकास संस्थाका अध्यक्षहरुमा थप उर्जा पैदा भई कार्यसम्पादनमा पनि सकारात्मक प्रभाव पार्न सहयोग पुग्ने विश्वास पनि व्यक्त गर्नुभयो ।
उद्घाटन सत्रमा एम.वि.ए. कार्यक्रम निर्देशक उपप्राध्यापक ललितमान श्रेष्ठले स्वागत मन्तव्य व्यक्त गर्नुभएको थियो भने आन्तरिक गुणस्तर सुनिश्चितता सेल संयोजक पुनाराम घिमिरेले कार्यक्रमको संचालन गर्नुभएको थियो ।
बुटवल उपमहानगरपालिका वडा नं. ११ का सबै टोल विकास संस्थाका अध्यक्षहरु तथा क्याम्पसका स्नातकोत्तर तहका केही विद्यार्थीहरुको पनि सहभागिता रहेको तालिमको पहिलो दिन स्रोत व्यक्ति सह प्राध्यापक राजेन्द्र लम्सालले नेतृत्वमा हुनुपर्ने गुणहरु, नेतृत्व शैलिका प्रकार, अहिलेको युगमा आवश्यकीय नेतृत्व गुण लगायतका बारेमा प्रशिक्षण दिनुभएको थियो ।
भाद्र ७ बुटवल । बुटवलमा शैक्षिक संस्था तथा उद्योगी व्यवसायीबिच संवाद एवं अन्तरक्रिया कार्यक्रम बिहीबार सम्पन्न भएको छ ।
लुम्बिनी वाणिज्य क्याम्पस प्लेसमेण्ट एण्ड काउन्सिलिङ सेलको आयोजनामा भएको कार्यक्रम क्याम्पस सञ्चालक समिति उपाध्यक्ष सुरेन्द्र प्रसाद श्रेष्ठको अध्यक्षता, बुटवल उद्योग वाणिज्य संघका अध्यक्ष उज्ज्वल प्रसाद कसजुको प्रमुख आतिथ्यता तथा त्रिभुवन विश्वविद्यालय अर्थशास्त्र विभागका विभागीय प्रमुख प्रा.डा. शिवराज अधिकारीको विशिष्ट अतिथ्यता रहेको थियो ।
बुटवल क्षेत्रका उद्यमी, उद्योगी व्यवसायी, वित्तिय संस्थाका प्रतिनिधि, सरकारी निकायका प्रतिनिधि, शैक्षिक व्यक्तित्व, पत्रकार, विद्यार्थी लगायत गरि सत्तरी बढी सहभागि भएको कार्यक्रममा लुम्बिनी वाणिज्य क्याम्पसका क्याम्पस प्रमुख प्रा.डा. ताराप्रसाद उपाध्यायले कार्यक्रमको औचित्यताको बारेमा प्रष्ट पार्दै विश्वविद्यालयले प्रदान गर्दै आएको शिक्षा र उद्योग तथा अन्य रोजगारदाताका लागि आवश्यक दक्ष जनशक्ति बिचको अन्तर पत्ता लगाई अन्तर घटाउनु कार्यक्रमको उद्देश्य रहेको बताउनुभयो साथै उहाँले त्यसको लागि कार्यक्रमको निचोड तथा आवश्यकता अनुसारका पाठ्यक्रम परिवर्तन, सीप अभिवृद्धिका कार्यक्रम, तथा अतिरिक्त व्यवहारीक तथा प्रयोगात्मक कार्यक्रम सञ्चालन गर्ने प्रतिवद्धता जनाउनुभयो ।
दुई सत्रमा विभाजन गरिएको कार्यक्रमको पहिलो सत्रमा विशिष्ट अतिथि एवं त्रिभुवन विश्वविद्यालय अर्थशास्त्र विभागका विभागीय प्रमुख प्रा.डा. शिवराज अधिकारीले विद्यमान पाठ्यक्रम र बजारको आवश्यकता विषयमा कार्यपत्र प्रस्तुत गर्नुभएको थियो । जसमा देशको अर्थतन्त्रमा आएको परिवर्तनसंगै रोजगार क्षेत्रमा भएको परिवर्तन, त्यसका असर, प्रतिभा पलायनको अवस्था लगायतका बारेमा प्रष्ट पार्दै आगामी समयमा उद्यमी र उद्यमशिलतालाई शिक्षासंग जोड्न थप गर्नुपर्ने कार्यहरुका बारेमा पनि बताउनुभएको थियो ।
दोश्रो सत्रको कार्यक्रममा बोल्दै क्याम्पस सञ्चालक समितिका उपाध्यक्ष सुरेन्द्र प्रसाद श्रेष्ठले क्याम्पसले उद्योगी व्यवसायी, बैंकीङ्ग क्षेत्र लगायतका रोजगारदाताहरु सित नियमित समन्वय तथा संवाद गरेर नै पाठ्यक्रम तयार पारी त्रिभुवन विश्वविद्यालयबाट स्वीकृत गराई अध्यापन गराइरहेको बताउनुभयो साथै उहाँले समय सापेक्ष पाठ्यक्रम निर्माण गर्न उर्जा प्रदान गरेकोमा त्रिभुवन विश्वविद्यालय तथा विश्वविद्यालय अनुदान आयोगप्रति धन्यवाद ज्ञापन समेत गर्नुभयो ।
कार्यक्रममा उद्योगी व्यावसायीहरु नेपाल उद्योग व्यापार महासंघ नेपालका महासचिव खेमनारायण पराजुली, नेपाल घरेलु तथा साना उद्योग महासंघ लुम्बिनी प्रदेश सदस्य माया खनाल, बुटवल उद्योग वाणिज्य संघका उपाध्यक्ष नरिश्वर शर्मा, रुपन्देही व्यापार संघका अध्यक्ष कृष्ण घिमिरे, उद्यमी सुरज उप्रेती, उद्यमी अनिल श्रेष्ठ, उद्यमी सोनाली गुरुङ, उद्यमी महेन्द्र न्यौपाने, उद्यमी माधव नेपाल, उद्यमी बसन्त रोका क्षेत्री, उद्यमी कमल जंग कुँबर लागायतले अझै पनि विश्वविद्यालयले बजारको आवश्यकता अनुसारको जनशक्ति तयार गर्न नसकेको औल्याउनुभयो ।
कार्यक्रममा शैक्षिक व्यक्तित्वहरु बुटवल बहुमुखी क्याम्पसका क्याम्पस प्रमुख स प्रा. डा. खिमानन्द न्यौपाने, तिलोत्तमा क्याम्पसका प्रिन्सिपल प्रा.डा. रामचन्द्र आचार्य, बुटवल कालिका क्याम्पसका क्याम्पस प्रमुख घनश्याम पाठक, राममणि क्याम्पसका क्याम्पस प्रमुख ताराप्रसाद पराजुलीले उद्योग व्यावसाय क्षेत्रले खोजे अनुसारको दक्ष जनशक्ति उत्पादन गर्न र उद्यमी व्यावसायीसंग निरनतर संवादमा रहन पनि आफुहरु तयार रहेको बताउनुभयो साथै यसको पहल गर्ने लुम्बिनी वाणिज्य क्याम्पसलाई पनि धन्यवाद ज्ञापन गर्नुभयो ।
यस्तै वरिष्ठ पत्रकार डा. बालकृष्ण चापागाईँले लुम्बिनी वाणिज्य क्याम्पसले यस प्रकारको कार्यक्रम आयोजना गरेकोमा धन्यवाद ज्ञापन गर्दै विश्वविद्यालय र रोजगारदाताबिच देखिएका अन्तर पुर्नका लागि छिटो भन्दा छिटो बोलेर भन्दा पनि काम गरेर अगाडि बढ्न सुझाव दिनुभयो ।
यस्तै सरकारी निकायका प्रतिनिधिहरु श्रम तथा रोजगार कार्यालय, बुटवलका उपसचिव गिरी राज ज्ञवाली, बुटवल औद्योगिक क्षेत्र व्यवस्थापन प्रमुख प्रकाश अधिकारी लगायतले उद्यमी र शैक्षिक संस्थाबिचको अन्तर कम गर्न सरकार लागिरहेको बताउनुभयो ।
बैकिङ्ग क्षेत्रबाट कृषि विकास बैंक लि. लुम्बिनी प्रदेश प्रमुख नारायण प्रसाद आचार्य, नेपाल बैंक लिमिटेडकी प्रतिज्ञा सुवेदी, ग्लोबल आई.एम.ई. बैंकका पिताम्बर पोखरेल, शाइन रेसुगा डेभलपमेन्ट बैंकका प्रवास राई लगायतले बोल्दै बैकिङ्ग क्षेत्रले प्राप्त गरेका जनशक्ति सन्तोषजनक नै रहेको बताउदै आउदा दिनमा बैकिङ्ग क्षेत्रमा भइरहेका परिवर्तनहरुलाई पाठ्यक्रममा समावेश गर्न आग्रह गर्नुभयो ।
स्वतन्त्र विद्यार्थी युनियन लुम्बिनी वाणिज्य क्याम्पसका अध्यक्ष विजय कार्कीले क्याम्पसले हप्ताको एक दिन किताब अध्ययन नगराई सिपमुलक तथा व्यवहारीक ज्ञानका लागि छुट्याउनुपर्ने बताउदै उहाँले थप्नुभयो लुम्बिनी वाणिज्य क्याम्पसले समय सापेक्ष ज्ञान प्रदान गर्नकै लागि स्वायत्त कार्यक्रमहरु त्रिभुवन विश्वविद्यालयबाट स्वीकृत गराई ल्याएको हो जस्तो लाग्छ तर विभिन्न प्रकारका भ्रम सिर्जना किन गरियो वा क्याम्पसले स्वायत्तताका बारेमा बुझाउन सकिरहेको छैन यो विषयमा आफु अन्यौलमा परेको बताउनुभयो ।
लुम्बिनी वाणिज्य क्याम्पस प्लेसमेण्ट एण्ड काउन्सिलिङ सेलका संयोजक उपप्राध्यापक डिल्लिराज गौतमले कार्यक्रमको सञ्चालन गर्नुभएको थियो भने अन्तिममा कार्यक्रमको निष्कर्श ¥यापोेटियर उपप्राध्यापक रोम नाथ शर्माले प्रस्तुत गर्नुभएको मोहन पौडेलले जानकारी दिनुभयो ।
भाद्र १ । बुटवल देविनगरस्थित लुम्बिनी वाणिज्य क्याम्पसले डेङ्गु सचेतना अभियान अन्तर्गत ¥याली सम्पन्न गरेको छ ।
बुटवल उपमहानगरपालिका वडा नं. ११ का वडाध्यक्ष रामचन्द्र क्षेत्री, स्थानीय टोल विकास संस्था, प्रहरी, प्राध्यापक, कर्मचारी, स्ववियु पदाधिकारी, विहानी सत्रमा अध्ययनरत विद्यार्थीहरुको सहभागितामा रहेको सचेतनामुलक ¥याली क्याम्पस प्रमुख प्रा.डा. ताराप्रसाद उपाध्यायले उद्घाटन गर्नुभएको थियो ।
क्याम्पस प्राङ्गणबाट निस्केको ¥यालीले देविनगर क्षेत्रको परिक्रमा गरेको थियो भने डेङ्गु रोगका लक्षण, बच्ने उपाय लेखिएका व्यानर, प्लेकार्ड सहित सहभागिहरु उपस्थित भएका थिए ।
¥यालीको पूर्वसन्ध्यामा बोल्दै प्राध्यापक तथा विद्यार्थीहरुले लामखुट्टेका बासस्थान खोजी गरी फुल, लार्भा, प्युपा नष्ट गर्नुपर्ने, सरसफाइ अभियान नियमित चलाउनुपर्ने, आफ्नो घरमामात्रै सफा राखेर हुँदैन, वरिपरिको सफाइमा पनि ध्यान दिनुपर्ने, लामखुट्टेबाट बच्न शरिर ढाकिने कपडा लगाउनुपर्ने, सुत्ने क्रममा झुलको प्रयोग गर्नुपर्ने लगायतका विचार व्यक्त गर्नुभएको थियो ।